Böyük Britaniya İran İnqilabı Keşikçiləri Korpusu (SEPAH) daxilində maliyyəçilərə və yüksək rütbəli komandirlərə qarşı sanksiyalar tətbiq edib.

Mediatv.az-ın xəbərinə görə, sanksiyaya məruz qalanlara SEPAH-ın sərmayələrini idarə etmək üçün məsul orqan olan SEPAH Kooperativ Fondunun Direktorlar Şurasının beş üzvü daxildir.

İran İslam İnqilabı Keşikçiləri Korpusunun Tehran və Əlborz əyalətlərində fəaliyyət göstərən iki yüksək səviyyəli komandirinə də insan haqlarını kobud şəkildə pozduğuna görə sanksiya tətbiq edib.

Xarici işlər naziri Ceyms Kleverli bildirib ki, sanksiyaya məruz qalanlar İran İnqilabı Keşikçiləri Korpusunun yüksək rütbəli liderləri ilə rejimin qəddar repressiyalarına pul xərcləməkdə məsuldurlar.

“Dünyadakı tərəfdaşlarımızla birlikdə biz İran xalqının İranda köklü dəyişikliklərə çağırdığı üçün onların yanında olmağa davam edəcəyik”,- deyə nazir bildirib.
Sanksiya tətbiq olunan şəxslər arasında SEPAH Kooperativ Fondunun Direktorlar Şurasının Sədri Əli Əsgər Noruzi, həmin şuranın sədr müavini Seyid Aminollah Emami Tabatabainin də adları var.шаблоны для dle 11.2