Böyük Britaniyanın keçmiş baş naziri Boris Conson Mühafizəkarlar Partiyasının Ukrayna dostluq qrupunun yeni rəhbəri olacaq.

Qrupun hazırkı rəhbəri, keçmiş mədəniyyət naziri Con Vittinqdeyl Mühafizəkarlar Partiyasının qurultayı çərçivəsində öz varisini elan edib.

Onun sözlərinə görə, Conson bir çox cəhətdən bu təşkilata rəhbərlik etmək üçün ən bariz və layiqli şəxsdir.

“Çünki o, təkcə bu ölkədə deyil, həmçinin bütün Qərb dünyasında bu qədər qətiyyətlə Ukrayna xalqına dəstək verən ilk şəxs olub”, - deyə o qeyd edib.

Consonun özü tədbirdə iştirak etməyib.

“Boris təəssüflənir ki, bu gün bizə qatıla bilmir. Lakin o, hamımızın inandığı şeylərə və Ukraynaya davamlı dəstəyimizə tam dəstəyini ifadə edib”, - deyə Vittinqdeyl vurğulayıb.шаблоны для dle 11.2