Adını açıqlamaqdan imtina edən mənbənin  Vətəninfo.az-a verdiyi məlumata görə, baş nazirin müavini Əli Həsənovun rayon ərazisində qaçqın və məcburi köçkünlərlə, eyni zamanda da vətəndaşlarla keçirdiyi görüşdə narazılıq baş verib.

Mənbənin iddiasına görə, Əli Həsənovla görüşə gələnlər birbaşa Binəqədi rayon ərazisində İH-də tutduğu vəzifəyə uyğun gəldi-gəlmədi müxtəlif məsələləri “həll etməyi” bacaran şöbə müdiri Ramiz Göyüşovdan şikayətləniblər. Məlumata görə, hətta Prezident Administrasiyasına belə Ramiz Göyüşovla bağlı şikayət məktubları göndərilib.

Adını açıqlamayan mənbənin digər bir məlumatında iddia olunur  ki, Binəqədi rayon İH-nin başçısı Xaləddin İsgəndərov rayonda torpaq işinə Əlpaşa adında birinə tapşırıb ki, bu Əlpaşaya hətta Xocahəsən bələdiyyəsində oturması üçün yer belə ayrılıb.

Mənbə iddia edir ki, Binəqədi rayonu ərazisində iki mərtəbəli bina tikmək istəyirsənsə, mansarsız ən az 3000 min manat tərləməlisən, əgər binanın üzərində mansard olacaqsa, 1000 manat da əlavə edilir. Mənbə bildirir ki, Əlpaşa Xaləddin İsgəndərovun adamıdı və torpaqların satılması Əlpaşalıq olduğundan, pulunu verdikdən sonra lap belə Binəqədi İH-nin bağçasında da ev tikə bilərsən.

Qarşı tərəfin də mövqeyini dərc etməyə hazırıq.