Tanımış şair Elmurad Rəşid Mediatv.az-ın redaksiyasına Lyobov adlı mavigözlü ukraynalı xanımna ithaf etdiyi şerini yollayib şeri olduğu kimi teqdim edirik

Göylərin ənginliyi,

Qəlbinin zənginliyi,

Ümmanlar dərinliyi –

Onun mavi gözləri!

Səmaların boyası,

Halallığın mayası,

Ulviyyətin qayası –

Onun mavi gözləri!

Kiprikləri çəpərdir,

Nadanlığa sipərdir,

Varlığına dəyərdir –

Onun mavi gözləri!

Təbəssümlə qosadır,

Gülüşü tamaşadır

Məhəbbəti yaşadır –

Onun mavi gözləri!

Unutdurub özümü,

Qamaşdırıb gözümü,

Lap çaşdırıb sözümü –

Onun mavi gözləri!

Salıbdır məni tora,

Sinəmə vurub yara,

Edib məni avara –

Onun mavi gözləri!

İlahinin sözüdür

Məhəbbətin özüdür,

Mələklərin gözüdür –

Onun mavi gözləri!