Artıq üç gündür ki, Bakı Slavyan Universitetinin elmi işlər üzrə prorektoru, professor Rafiq  Novruzov və universitetin Təcrübə və məzunların karyera inkişafı şöbəsinin müdiri, fil.ü.f.d., dosent Yaşar Alxasov  Çerniqov Milli Texnologiya Universitetinin rəhbərliyinin dəvəti ilə bu şəhərdə işgüzar  səfərdədir.  BSU nümayəndələrini Çerniqov Milli Texnologiya Universitetinin rektoru və elmi işlər üzrə prorektor qarşılamış, proqram barədə qonaqlara ətraflı məlumat vermişlər.  Azərbaycan nümayəndələri   səfərin ikinci günü “Art dvor” sosial layihəsinin təqdimatında iştirak etmiş və yerli mətbuata müsahibələr  vermişlər.     

              BSU nümayəndələri  dünən Çerniqov Milli Texnologiya Universitetində Azərbaycan Mədəni-Tədris Mərkəzinin və ÇMTU  (Çerniqov Milli Texnologiya Universiteti) nəzdində Bazar Günü Azərbaycan Məktbinin açılışında iştirak etmişlər. Həmin tədbirdən sonar   Bakı Slavyan Universiteti (BSU)  ilə  Çerniqov Milli Texnologiya Universiteti (ÇMTU) arasında əməkdaşlıq haqqında müqavilə və BSU ilə Şota Rustaveli adına Batumi Dövlət Universiteti və Çerniqov Milli Texnologiya Universiteti arasında əməkdaşlıq barədə memorandum imzalanmışdır.    

                                                                                   BSU-nun Mətbuat Xidməti