Telejurnalist Afət Telmanqızı fəaliyyət göstərdiyi “Space” televiziyasından ayrılıb.

Mediatv.az-ın Qafqazinfo-ya istinadla məlumatına görə, bir qrup keçmiş ANS-çinin cəmləşdiyi “Space” televiziyasında artıq onlarla yollar ayrılmaqdadır. Belə ki, “Space” Teleradio Şirkətinin “Hər gün” informasiya departamentinin rəhbər əvəzi vəzifəsi həvalə olunan Afət də telekanaldan çıxarılıb. Məlumatlara görə o, məzuniyyətdən gec qayıtdığı üçün kanal rəhbəri tərəfindən cəzalandırılıb və kollektiv qarşısında fəaliyyətinə son verildiyi elan olunub.

Faktı telekanal rəsmisi Kamil Şahverdiyev də təsdiqləyib. O bildirib ki, Afət Telmanqızı işdən öz ərizəsi ilə ayrılıb.

Məsələylə bağlı Oxu.Az-ın əməkdaşı Afət Telmanqızı ilə də əlaqə saxlayıb.

“Space”dən öz istəyimlə getmişəm. Yayılan xəbərlər əsassızdır”, - deyə telejurnalist bildirib.