Bakı metrosunun “28 May” stansiyasında narkotik vasitə qəbul etdiyi iddia edilən şəxslə polis əməkdaşı arasında mübahisə düşüb. 

Mediatv.az-ın baku.ws-ə istinadən verdiyi xəbərə görə, sosial şəbəkələrdə yayılan videoda görünür ki, polis əməkdaşı ictimai asayişi pozan şəxsə yaxınlaşaraq qaydalara əməl etməyi tələb edib. Sərnişin isə polis əməkdaşına hədə-qorxu gəlməyə başlayıb. “Kimin sözü varsa, üzümə desin, mən də onun paqonlarını çıxarım atım kənara”, - deyə narkotik vasitə qəbul etdiyi iddia edilən şəxs bildirib.