Masallının Musaküçə kəndində sünnət zamanı dünyasını dəyişən 5 yaşlı Kənan Hüseynovun ölümündə ittiham olunan həkim Ramiz Sadıqov həbs oluna bilər.

Mediatv.az xəbər verir ki, bu barədə aznews.az-a Ramiz Sadıqovun özü məlumat verib. Onun sözlərinə görə, aprelin 4-də Məhkəmə Tibbi Ekspertiza və Pataloji Anatomiya Birliyinindən rəsmi rəyi açıqlanandan sonra o, Masallı Rayon Prokurorluğuna dəvət olunub:

"Günün ikinci yarısı izahat alındı. Azərbaycan respublikasının Cinayyət Məcəlləsinin 124-cü (Ehtiyatsızlıqdan adam öldürmə) maddəsi ilə cinayət işi açılıb. Hazırda azadlıqdayam. Amma işin sonunun necə olacağı məlum deyil. Həbs də ola bilər."

Masallının Musaküçə kəndində sünnət zamanı 5 yaşlı Kənan Hüseynov dünyasını dəyişib. Səhiyyə Nazirliyinin Məhkəmə Tibbi Ekspertiza və Pataloji Anatomiya Birliyinin rəyinə əsasən Kənan Hüseynovun ölümünə səbəb uşağın orqanizminin ağrıkəsici kimi istifadə olunan "novokain"ə əks reaksiya verməsi olub.