ATV kanalında yayımlanan “ATV səhər” informasiya proqramı fəaliyyətini dayandırır.

Mediatv.az Oxu.Az-a istinadən xəbər verir ki, bu barədə mediaya verilişin müəllifi və aparıcısı Turan İbrahimov məlumat verib.

T.İbrahimov qeyd edib ki, mövsümün bitməsinə bir ay qalmış rəhbərlik belə bir qərar verib.

“ATV-də fəaliyyətimi davam etdirirəm. Yalnız “ATV səhər” verilişi yayımını dayandırır. Proqramın yaradıcı heyəti də iş başındadır və kanalda öz fəaliyyətlərini davam etdirəcək”, - deyə o vurğulayıb.