Azərbaycan Dövlət Aqrar Universitetində Ümummilli lider Heydər Əliyevin anadan olmasının 94-cü ildönümünə həsr olunan “Multikulturalizm Azərbaycan xalqının həyat tərzidir” mövzusunda bakalavriat və magistrantların xarici dillərdə (ingilis, alman, fransız, rus) ümumşəhər elmi-nəzəri konfransı keçirilib.ADAU-nun mətbuat xidmətindən bildirilib ki, inzibati binanın akt zalında keçirilən konfransı giriş nitqi ilə təhsil müəssisəsinin rektoru, AMEA-nın müxbir üzvü, professor İbrahim Cəfərov açıb Deyib ki, hər il ümummilli liderin doğum günü ərəfəsində xarici dillərdə konfrans keçirilir və dil bilikləri bu günün kadrları üçün əsas amildir. Bu baxımdan ölkədə, eləcə də Aqrar Universitetdə kifayət qədər işlər görülüb. Universitetimizdə xarici dilləri daha mükəmməl öyrənmək üçün pulsuz xarici dil kursları açılıb. Bununla yanaşı dünya universitetləri ilə vaxtaşırı vebinarlar-telekörpülər keçirilir. Tələbələrimiz tez-tez xarici ölkələrdə təcrübədə olur və ya təhsillərini orada davam etdirir. Ümummilli lider Heydər Əliyevin anadan olmasının 94-cü ildönümünə həsr edilən və 4 xarici dildə keçirilən bu konfrans bir daha tələbələrin xarici dillərdə fikirlərini sərbəst və əhatəli şəkildə ifadə etmək meydanı yaradıbKonfrans günün ikinci yarısında təhsil müəssisəsinin tədris korpuslarında davam etdirilib. Bu cür konfranslar ADAU da artıq ənənəyə çevrilib  və əsas məqsəd dünya birliyi arasında iqtisadi qüdrətinə görə söz sahibi olan Azərbaycan həqiqətlərini catdıracaq gəncliyin dil biliklərini daha da zənginləşdirməkdir. Konfransda iştirak etmək üçün Azərbaycan Dövlət Aqrar, Gəncə Dövlət və Texnologiya Universitetlərinin maqistratura və bakalavr səviyyəsində təhsil alan 246 nəfər tələbəsi müraciət edib.

Konfransda 11 nəfər tələbənin  plenar iclasda çıxışı olub. Tədris korpuslarında isə digər  konfrans iştirakçılarının məruzələri dinlənilib. Məruzəçi tələbələrə sertifikat və mükafatlar təqdim olunub. Məlumat üçün bildirək ki, konfransa ADAU-dan 189, GDU-dan 28, ATU-dan isə 29 tələbə qatılıb.