"Ayna- Zerkalo" qəzetinin icmalçısı və siyasi analitik Rauf Mirqədirov İsveçrədə siyasi muhacir statusu alıb.

Mediatv.az xəbər verir ki, bu barədə Turan agentliyinə Mirqədirov özü bildirib. Xatırladaq ki, jurnalist Azərbaycanda Ermənistanın xeyrinə casusluq ittihamı ilə həbs olunmuşdu. Məhkəmə 2015-ci ildə Bakıda səs-küyə səbəb olan proseslər zamanı nə Leyla Yunusun, nə də həyat yoldaşı Arifin, eləcə də Rauf Mirqədirovun təqsirini sübuta yetirə bilməyib.

Bununla belə, onlar hamısı uzunmüddətli azadlıqdan məhrumetmə cəzalarına məhkum ediliblər. Sonradan Leyla və Arif Yunusların və Mirqədirovun cəzaları şərti cəza ilə əvəz olunub və onlar həbsxanadan çıxıblar.

Leyla və Arif Yunus, onların ardınca isə ailəsi daha əvvəl İsveçrədə sığınacaq alan Mirqədirov Azərbaycanı tərk ediblər.

Mirqədirov özü heç bir əsas olmadan Türkiyədə həbs olunub və Azərbaycan hakimiyyətinə təhvil verilib.