Jurnalist Rauf Mirqədirov Azərbaycanı tərk edərək Almaniyaya gedib.

Mediatv.az xəbər verir ki, bu barədə virtualaz.org-a R. Mirqədirov özü məlumat verib.

Jurnalist hazırda Frankfurtdadır, sonra oradan Varşavaya – seminarlara yollanacaq. Daha sonra isə o, İsveçrədə yaşayan ailəsini ziyarət edəcək.

R.Mirqədirov Azərbaycana qayıdıb-qayıtmayacağı ilə bağlı suala dəqiq cavab verməyib.

Xatırladaq Rauf Mirqədirov 2014-cü ilin aprelində həbs edilmişdi. O, ötən ilin dekabr ayında Ermənistanın xeyrinə casusluqda ittiham olunaraq 6 il müddətinə azadlıqdan məhrum olunmuş, sonradan isə azadlığa buraxılmışdı.