Cəmiyyət (16-12-2016, 15:11)
BP neftçilərin axtarışına 3 gəmi göndərib –Açıqlama
Xəzərdə itkin düşən neftçilərin axtarış və xilasetmə işlərinə BP şirkətinin 3 gəmisi cəlb edilib.
Mediatv.az xəbər verir ki, bu barədə AzerTac-a “BP Azerbaijan”ın əlaqələr, xarici işlər və strategiya üzrə vitse-prezidenti Bəxtiyar Aslanbəyli deyib.
O bildirib ki, BP şirkəti SOCAR-ın “Azneft” İstehsalat Birliyinin N.Nərimanov adına neft və qazçıxarma idarəsinin (NQÇİ) 3 nömrəli Neft Yığım Məntəqəsinin sağ və sol hissəsində yerləşən estakadanın 150 metrlik hissəsinin dənizə uçması nəticəsində neftçilərin itkin düşməsindən kədərlənir. BP şirkəti baş verən hadisə ilə bağlı məlumat aldıqdan dərhal sonra SOCAR-a axtarış və xilasetmə işlərində iştirak etmək niyyətini bildirib. Hazırda BP şirkətinin 3 gəmisi Xəzərdə itkin düşən neftçilərin axtarış və xilasetmə işlərinə cəlb olunub.