Sabir Gülmalıyev adına I Udulu kənd tam orta  məktəbində  həmin təhsil ocağının və Cəfər Cəfərov adına Cəngən kənd Diyarşünaslıq evinin təşkilatçılığı ilə  28 may “Respublika günü”nə həsr  olunmuş bayram tədbiri keçirildi.

Mediatv.az xəbər verir ki, eyni zamanda  həmin gün adı gedən bayram yığıncağına həsr olunmuş kitab sərgisidə təşkil olunmuşdur.

Ərazidə yerləşən mədəniyyət işçiləridə tədbirin keçirilməsində fəallıq göstərdilər və bu mövzu ilə əlaqədar çıxış etdilər. Tədbirdə məktəbin direktoru Vaqif Qocayev və kənd Diyarşünaslıq evinin rəhbəri Sərdəxan Təhməzov bayram münasibəti ilə iştirakçıları təbrik etdilər. Məruzəçi Sabir Gülmalıyev adına I Udulu kənd tam orta məktəbinin direktor müavini Eldar Rzayev “Respublika”günü münasibəti ilə  geniş məruzə etdi. O bildirdi ki, bu gündə xalqımız ən əziz və sevimli bir bayramı “Respublika” gününü qeyd edir. Azərbaycan Demokratik Respublikası 1918-ci ilin 28 mayından yarandı. Bu Azərbaycan xalqının əlamətdar hadisə idi.  Mövzu ilə geniş ətraflı məruzə dinlənildi.

Sonra tədbirlə əlaqədar tarix müəllimi Zakir Əliyev çıxışında bildirdi ki, 1991-ci ildə SSRİ-nin  dağılması tarixdə ikinci dəfə olaraq Azərbaycan öz  müstəqilliyini qazandı. 1993-cü ilin iyun ayında  Böyük Öndərimiz  Ümummilli Liderimiz Heydər Əliyev xalqın təkidi və tələbi ilə hakimiyyətə gəlməsəidi, qazandığımız  bu müstəqilliyin və azadlığın ömrü az  olardı.

Beləliklə tədbir bir neçə çııxışdan sonra məktəblilər şer parçaları söylədilər. Musiqi sədaları altında tədbir yekunlaşdı.

Cəfər Cəfərov  adına Cəngən kənd Diyarşünaslıq evinin direktoru:  Sərdəxan TƏHMƏZOV