Multikulturializm Azərbaycannın ən böyük milli sərvətidir və bəşəriyyət nə zamansa dünyaya xoşbəxtlik, səadət gətirəcək, sivil inkişafın, demokratiyanın, dünyəvi humanizmin ana xəttinə çevriləcək tolerantlıq modelindən mütləq istifadə edəcəkdir. Dünyanı heyrətə salan, bəşəri inkişafa ən böyük töhfələrdən verən Azərbaycanda isə multikulturializm qədim tarixi var. Bu istiqamətdə inkişaf edən ölkələrə belə nümunə ola biləsi təcrübəmiz olduqca qürur vericidir. Təbii ki, bu işdə ölkə rəhbərliyinin həyata keçirdiyi və yalnız Azərbaycanın deyil, bəşəriyyətin xoş gələcəyinə hesablanan multikulturializm, tolerantlıq siyasəti dünyanın aparıcı ölkələrinin rəhbərləri üçün də  dəyərli nümunədir. Dünyanın heç bir ölkəsində Azərbaycanda olduğu qədər tolerantlığa, multikulturializmə rast gəlmək mümkün deyil.

Mediatv.az-a ADAU-nun mətbuat xidmətindən verilən xəbərə görə universitetin Azərbaycan tarixi, fəlsəfə və hüquq kafedrası  Elektroenergetika  və informasiya  texnologiyaları  fakültəsində “Multikulturalizm xalqımızın  milli sərvətidir” mövzusunda   tələbələrin iştirakı ilə  dəyirmi masa keçirib.

Tədbiri giriş sözü ilə kafedra müdiri dosent Azad Bayramov açıb,  multikulturalizmin  Azərbaycan  xalqına  tarixən xas olduğunu  və onun tarixi kökləri, milli-mənəvi dəyərlərimizin, ədəbiyyatımızın, incəsənətimizin öyrənilməsində   rolu  haqqında    geniş danışıb. O, Azərbaycan Prezidenti İlham Əliyevin 2016-cı ilin “Multikulturalizm ili” elan etməsini Azərbaycanda multikulturalizmin  dövlət siyasətinin  bariz  nümunəsi  olduğunu qeyd edib.

  Kafedranın baş müəllimi A. Axundov, müəllimlərdən  E. Aslanov, Z. Qəhrəmnova,  S. Qasımova   çıxış edərək  multikulturalizmin Azərbaycan modelinin yaranmasından, bu sahədə qazanılan  uğurlardan və dünyaya  nümunə olacağından, əsasını  azərbaycançılıq ideologiyası   təşkil etməsindən   ətraflı danışıblar. Bildiriblər ki,  dünyada multikulturalizmin Azərbaycan modelinin  böyük uğur qazanmasının  əsas səbəbi   onun hüquq normalarına  əsaslanmasıdır.

 Tədbir tələbələrlə diskussiya şəklində aparılıb və onları maraqlandıran suallar cavablandırılıb.