İngiltərənin Surrey qraflığının mütəxəssisləri gecə işləməyin insan orqanizminə ciddi zərər vurduğunu müəyyən ediblər.

Araşdırmada məhz gecə işləyən insanlar iştirak edib. Həmin insanların orqanizmində 97 faiz DNT hüceyrələrində sinxronluğun pozulması müşahidə edilib. Bunun da nəticəsində insan bədəninin hormonal sistemində pozğunluq yaranır, bədən temperaturu dəyişir, beyin funksiyalarında dəyişikliklər yaranır.

Mütəxəssislər iddia edirlər ki, bütün bunlar orqanizmə molekul səviyyəsində ziyan vurur. Bu da zaman keçdikcə daha da dərinləşərək xərçəng, 2-ci növ diabet, ürək xəstəlikləri kimi ciddi xəstəliklərin yaranmasına səbəb olur. Daha əvvəllər aparılan təcrübələrdə isə müəyyən edilmişdi ki, gecə işləmək qadınlarda sonsuzluğa gətirib çıxarır. 

Araşdırmaçılardan biri isə bildirib ki, sutka ərzində növbəli işləmək sanki bütün saatları müxtəlif vaxtları göstərən bir evdə yaşamaqdır. Sonda bu, xaosa səbəb olur. Onun sözlərinə görə, bioloji saatın pozulması nəticəsində yaranan mənfi təsir özünü iki ildən sonra göstərməyə başlayır.