Yaxınlarda Bərdədə yeni məktəb binaları istifadəyə veriləcək.

 

Rayonun Nazırlı kənd 1 nömrəli tam orta məktəbi üçün 220 şagird yerlik, Qazaxlar kənd tam orta məktəbi üçün isə 180 şagird yerlik yeni binalar tikilərək istifadəyə verilib. Bərdə rayon təhsil şöbəsindən Azərtac-a bildiriblər ki, məktəblərin təmiri və yenidən tikintisi Dövlət Proqramı çərçivəsində həyata keçirilib.

 

Rayonda həmçinin, şəhər 7 nömrəli tam orta məktəbinin 380 şagird yerlik yeni binasının tikintisi də başa çatıb. Hazırda Türkman kənd tam orta məktəbi üçün 260 şagird yerlik binanın inşası, şəhər 2,5 və 6 nömrəli tam orta məktəblərdə əsaslı təmir işləri davam etdirilir.

 

Yeni tikilən və əsaslı təmir edilən təhsil ocaqları bu il müəllim və şagirdlərin istifadəsinə veriləcək. (axar.az)