X.İsmayıl yazıb ki, həbsdən qorxmur və heç bir narahatçılığı yoxdur. Onun yazdığına görə, nəyə görə türməyə salındığını bilir və həqiqəti söyləmək azadlığının illər boyu həbsdə qalmaq bahasına olsa belə şirin nemət olduğunu burda daha yaxşı anlayır.

Jurnalist həmkarı Dəyanət Azərsoyu türmədə görənlərin olduğunu, bir neçə ay əvvəl onun döyülməkdən ölümcül halda olduğunu yazıb: “...Sındırılan adamlar ölkəsində gələcək nə qədər dumanlı görünsə də, biz bu ölkəni onu boğan əllərdən qurtarmaq üçün harda oluruqsa olaq, əlimizədən gələni etməliyik. Həbsxana insanların dərdinə şərik çıxmağa hazır adam üçün çox məşğul bir yer sayıla bilər. Bildiyim qədər siyasi məhbusların hər biri bütün məhdudiyyətlərə baxmayaraq, insan haqlarını həbsdə də qorumaqda davam edirlər. Leyla xanım da, İntiqam bəy də, Rəsul da, Seymur da”.