Yaponiya hökuməti ölkədə doğum əmsalının artması məqsədilə direktiv layihə işləyib hazırlayıb. Sənədə əsasən uşaq anadan olduqdan sonra məzuniyyət hüququ verilən ataların sayının 2020-ci ilədək 80 faizə çatdırılması nəzərdə tutulub.

Layihədə qeyd edilir ki, Yaponiyada uşaqların sayının azalması ölkənin sosial-iqtisadi əsaslarını sarsıda biləcək təhlükəli vəziyyət yaradıb.

Hökumət müvafiq sistemi və institutları yoxlamağı, eyni zamanda, qarşıdakı beş ildə yeni tədbirlər görməyi planlaşdırır.