O, qeysəriyyə yolu ilə qız dünyaya gətirib.

Siyəzən rayonunda ana ölümü qeydə alınıb.

"Mediatv.az" xəbər verir ki, Siyəzən Regional Diaqnostika Mərkəzindən APA-nın şimal bürosuna verilən məlumata görə, Şabran rayon sakini, 1975-ci il təvəllüdlü Vəsiyyə Həmidova qeysəriyyə üsulu ilə əməliyyat olunub və qız uşağı dünyaya gəlib.

Bu gün səhər saatlarında ananın vəziyyəti pisləşib və görülən tədbirlərə baxmayaraq ananın xilas etmək mümkün olmayıb.

Meyit ekspertizadan keçirilməsi üçün Şabran Mərkəzi Rayon Xəstəxanasına gətirilib, ölümün səbəbləri araşdırılır.