Mediatv.AZ xəbər verir ki, Publika.az-a açıqlama verən şair ürəyini bizə boşaldıb: “Bir də görürsən müğənni efirə çıxıb mahnı oxuyur, amma müəlliflərin adını çəkmir. Yüzdən artıq mahnım var, hamısı da çox məşhurdur. Amma o mahnılardan gəlir götürmürəm. Əslində isə efirdə səslənən mahnılarıma görə, Müəllif Hüquqları Agentliyi mənə qonorar ödəməlidir. Bu agentlik mahnılarıma görə dörd ildə mənə 45 manat pul ödəyib.  Bizdə müəlliflik hüququ tapdalanır. Mən Türkiyədə yaşasaydım, mahnılarıma görə 5-6 milyon pulum olardı. Müğənnilər Heydər Əliyev Sarayında konsertlər verir, mahnılarımı oxuyurlar. Amma o mahnılardan gələn qazancdan bir qəpik də mənə verən yoxdur. Bunu müğənni yox, həmin agentlik etməlidir. Müəllifə qonorar ödəməlidir”.