“Təhsil Nazirliyi şəhidlərə hörmətsizliyə görə xalqdan üzr istəməlidir”

Təhsil (19-01-2022, 13:14)
“Təhsil Nazirliyi şəhidlərə hörmətsizliyə görə xalqdan üzr istəməlidir” - TƏLƏB!

Bakıda orta məktəblərin rus bölmələri üçün yazılmış 4-cü sinif "Rus dili" dərsliyində 1990-cı il 20 Yanvar Bakı qırğını ilə bağlı yol verilən ciddi təhriflə bağlı məsələ aktual olaraq qalır.
“Şərq-Qərb” nəşriyyatı yol verilən xəta ilə bağlı 2019-cu ildə hazırlanmış bu dərsliyin elektron variantında müvafiq dəyişikliklərin ediləcəyini açıqlasa da, dərslikdə yalnışlığın necə düzələcəyi barədə məsələyə toxunmayıb. Mediatv.az xəbər verir ki, təhsil eksperti Elşən Qafarov Bizim.Media-ya açıqlamasında Rus dili dərsliyindəki biabırçılığa və şəhidlərimizə hörmətsizliyə görə Təhsil Nazirliyinin xalqadan üzr istəməsini tələb edib:

“Dərslik sıradan bir məsələ deyil, onun hazırlanmasına aylarla vaxt gedir. Hər bir kitab ən azı 20 min tirajla çap olunur və dövlət vəsaiti gedir. Bu vəsait isə insanların verdiyi vergilərdən formalaşır Müəllif yazsa da, dərslik qiymətləndirmə komissiyaları və işçi qruplarının rəylərindən sonra çapa gedir. 3 ay ərində dərslik qiymətləndirmə komissiyasında ən azı 7 nəfərin əlindən keçir. Problem ondadır ki, Təhsil Nazirliyində dərsliyi qiymətləndirmə komissiyaları formal təşkil olunur. Oxumadan, baxmadan təsdiqləyirlər və çapa göndərilir. İstənilən halda məsuliyyəti Təhsil Nazirliyi daşıyır”.

Ekspertin fikrincə nazirlik bundan əvvəlki və hazırki qüsurları nəzərə alıb, qiymətləndirmə komissiyalarına peşəkarları seçməlidir:

“Bu, ictimai-əsaslı iş olmamalıdır. Çox yaxşı, peşəkar müəllimlərimiz var ki, gözəl dərslik yaza bilərlər. Amma onlar heç vaxt tenderin qalibi olmur. Tenderdə qalib olmaq üçün hökmən Təhsil Nazirliyinin funksional rəhbərliyində tanış olmalıdır. İndiyədək dərsliklərdə müxtəlif jarqonlar, nöqsanlar aşkar etmişdik. Amma bu dəfə 20 yanvar gecəsi ilə bağlı xalqın silahlı quldur, cinayətkar kimi təqdim edilməsi bağışlanmazdır.

Bu, artıq pik həddədir. Elektron variantda və ya dərslikdə düzəlişdən öncə Təhsil Nazirliyi xalqdan üzr istəməli idi. Çünki böyük cinayət və şəhidlərin ruhuna hörmətsizlik olunub”.

Xatırladaq ki, dərslikdə 20 Yanvar faciəsi ilə bağlı yazılmış mətndə qeyd edilir ki, Bakıda həmin qanlı gecədə şəhid olmuş dinc sakinlər guya sovet ordusu ilə AXC silahlı dəstələri arasında baş verən atışmada həlak olub.

Tarixin təhrif olunması ciddi tənqid edilib və Azərbaycanın qəhrəmanlıq səhifəsinə, müstəqillik uğrunda canından keçən şəhidlərimizin ruhuna hörmətsizlik kimi qiymətlındirilib.

Təhsil (19-01-2022, 13:14) “Təhsil Nazirliyi şəhidlərə hörmətsizliyə görə xalqdan üzr istəməlidir” - TƏLƏB!

Təhsil (19-01-2022, 13:14)
“Təhsil Nazirliyi şəhidlərə hörmətsizliyə görə xalqdan üzr istəməlidir” - TƏLƏB!