Gəncə şəhərində iki məktəb koronavirus səbəbindən distant tədrisə keçib. Bu barədə “Qafqazinfo”ya Gəncə Şəhər Təhsil İdarəsinin İctimaiyyətlə əlaqələr üzrə məsul şəxsi Raminə Məmmədova bildirib.
Onun sözlərinə görə, hər iki təhsil müəssisəsində dərslər 14 gün ərzində onlayn formada davam etdiriləcək:
“Ötən gündən 12 nömrəli məktəb 14 günlük distant tədrisə keçirilib. Bu gündən isə 26 saylı məktəbdə koronavirusa yoluxma faktı təsdiqlənib. Ona görə də sabahdan etibarən həmin məktəbdə də dərslər onlayn qaydada aparılacaq”.
R. Məmmədova həmçinin bildirib ki, 12 nömrəli məktəbdə 1 müəllim, 2 texniki işçi və 1 şagirddə koronavirus testinin nəticələri pozitiv çıxıb. 26 nömrəli məktəbdə isə 2 müəllimdə “COVID-19” aşkarlanıb.шаблоны для dle 11.2