Aprel ayının 3-də Bakı Slavyan Universiteti ilə Çexiya Respublikasının Ostrava Universiteti arasında əməkdaşlığa dair müqavilə imzalandı.

Tədbiri giriş sözü ilə açan BSU-nun rektoru professor Nurlana Əliyeva Bakı Slavyan Universitetinin Slavyan ölkələrlə sıx əməkdaşlıqda olduğunu bildirib. Və bu ölkələr sırasında Çexiyanın qabaqcıl universitetləri ilə əməkdaşlığından məmnun olduğunu bildirib. ERASMUS PLUS çərçivəsində Çexiyanın Ostrava Universitetinin fəlsəfə fakültəsi ilə müqavilə imzalanıb. Bu müqavilə əsasən müəllim tələbə mübadiləsi həyata keçirilib. Yeni müqaviləyə əsaslanaraq, 1 doktorantın Çexiyanın Ostrava Universitetinə mübadilə olunması nəzərdə tutulub.Müqavilə tələbələrin təhsili üçün Çex tərcüməsi üzrə səmərəli olacağını qeyd edib.

Çexiya Respublikasının Ostrava Universitetinin professoru bildirib ki, Bakı Slavyan Universitetində dərs keçən müəllimlərin Ostrava Universitetində Azərbaycan dilinin tədris edəcəyindən məmnun qalacaq, gələcəkdə Bakı Slavyan Universiteti tərəfindən Azərbaycanşünaslıq Mərkəzinin açılması nəzərdə tutulub. Gələcək perspektivlər müzakirə olunub. Professor söylədi ki, universitet gənc olmasına baxmayaraq, dünyaca tanınmış universitetlərlə əlaqələri var. 1 həftə ərzində Azərbaycanda olub, treninqlər keçiriləcək.

Tədbirdə Bakı Slavyan Universitetinin 70 illiyinə həsr olunmuş kitab Ostrava Universitetinin professoruna bağışlandı. Çexiya Respublikasının Ostrava Universitetinin 25 illiyinə həsr edilmiş kitabı və Çexiya Azərbaycan tarixini əks etdirən kitab hədiyyə olundu.