90 illik yubileyində Gəncə şəhər İcra Hakimiyyətinin başçısı Elmar Vəliyev tərəfindən ona hədiyyə edilən evi ala bilməyən 92 yaşlı xalq artisti Ələddin Abbasov hələ də qızının evində yaşayır.

Bu ayın əvvəlində AzNews.az-ın əməkdaşı məsələ ilə bağlı bir sıra aidiyyatı qurumların, o cümlədən Gəncə Şəhər İcra Hakimiyyətinin mövqeyini öyrənmişdi. 

Həmin vaxt icra başçısı Elmar Vəliyevin müavini Nizami Hacıyev problemin iyunun 15-nə, ən pis halda isə 20-nə kimi həll ediləcəyini söz vermişdi. 

Əməkdaşımız bu gün yenidən Nizami Hacıyevlə əlaqə saxlayıb. 20 gün əvvəl problemin həll ediləcəyinə söz verən N. Hacıyev bildirib ki, məsələdən xəbərdar deyil: “İndi ərazidəyəm, maraqlanaram”.

Qeyd edək ki, 92 yaşlı Ələddin Abbasov Azərbaycan kino və teatr sənətinin hazırda sağ olan ən yaşlı nümayəndəsidir. May ayında sənətkarın 92 yaşı tamam olub.