Azərbaycanda sabiq polis əməkdaşı Daxili İşlər Nazirliyinin (DİN) Çevik Polis Alayını məhkəməyə verib. 

“Mediatv.az”ın xəbərinə görə, sabiq polis işçisi olan Əvəz Muradovun məhkəməyə üz tutmasına səbəb onun işdən çıxarılmasıdır.

Ə.Muradov işə bərpa olunma və məcburi buraxılmış iş günlərinə görə əmək haqqının ödənilməsi tələbi ilə 2 saylı Bakı İnzibati-İqtisadi Məhkəməsinə müraciət edib. Məhkəmə iddianı təmin etməyib. İşə hazırda Bakı Apellyasiya Məhkəməsində baxılır.