Bir müddət əvvəl mətbuatda Dövlət Gömrük Komitəsinin sədr müavini, general-leytenant Əsgər Abdullayevin 10 milyonluq malikanə tikdirməsi ilə bağlı dərc olunan fotolar ictimaiyyətdə böyük rezonansa səbəb olmuşdu. 

Mediatv.az azmedia.info-ya istinadla xəbər verir ki, dövlət məmuru olan bir generalın 10 milyonluq villa tikdirməsi hər halda ciddi maraq doğuran bir məsələdir və əgər ortada belə bir idda varsa, o zaman qarşı tərəfin iddiaya aydınlıq gətirməsi sadəcə vəzifə borcudur.

Lakin Gömrük Komitəsi vəgeneral Əsgər Abdullayev məsələ ilə bağlı tam sükut nümayiş etdirməsi iddaların doğru olması qənaətini ortaya qoymuş oldu. İddanın doğru olduğunu daha da gücləndirən digər arqument isə Əsgər Abdullayevin mediadakı bəzi dostları vasitəsilə həmin yazıları təmizləmələri oldu.

Hazırda Gömrük Komitəsində baş verənlərlə bağlı Gunxeber.com saytını məlumatlandıran mənbənin sözlərinə görə,  son baş verənlərdən sonra Dövlət Gömrük Komitəsinin sədr müavini Səfər Mehdiyev əməlli başlı danlanıb. Danlamanın səbəbi isə məhz Əsgər Abdullayevin 10 milyonluq villasının şəkillərinin mətbuata ötürülməsi ilə bağlı şübhələrin Səfər Mehdiyevin üzərində qalması olub.

Məlumatlara əsasən gömrük xidməti general-leytnantı təkcə monopoliyasında olan biznesdən hər il 20-30 milyon dollar arasında gəlir götürür. Bu barədə növbəti yazımızda geniş araşdırmanı təqdim edəcəyik. Yazıda adı keçən vəzifəli şəxslərin və Dövlət Gömrük Komitəsinin mövqeyini dərc etməyə hazırıq.