Belələrindən biri də Dövlət Gömrük Komitəsinin sədr müavini Nazim Xeyrulla oğlu Məmmədovdur. General-leytenant rütbəsi daşıyan 65 yaşlı bu məmurun tərcümeyi-halına nəzər yetirmək kifayətdir ki, onun bu boyda vəzifəyə necə gəlib çıxdığını görəsən. Bunun üçün isə özünüzü yormağa ehtiyac yoxdur. Dövlət Gömrük Komitəsinin saytında "rəhbərlik" bölməsinə daxil olmaqla hər şeyin şahidi ola bilərsiz. Beləliklə...

Nazim Xeyrulla oğlu Məmmədov 1951-ci ilin 8 oktyabrında Naxçıvan Muxtar Respublikasının Ordubad şəhərində dünyaya gəlib. Əmək fəaliyyətinə 1973-cü ildə Ordubad şəhərində baytarlıq stansiyasında başlayıb. 1976-1995-ci illərdə Ordubad şəhərində müxtəlif təşkilatlarda çalışıb.

Karyerasındakı yüksəliş isə 1995-ci ildən - Dövlət Gömrük Komitəsində fəaliyyətə başlayandan sonra başlayıb. Görünür qəhrəmanımız ali təhsili olmadığından vəzifə pillələrində yüksələ bilməyəcəyini anlayıb və təhsil almaq qərarına gəlib. Və o, 1998-ci ildə - nə az, nə çox, düz 48 yaşında Təfəkkür Universitetinin hüquq fakültəsindən məzun olub. 2007-ci ilin 28 dekabrında isə Dövlət Gömrük Komitəsi sədrinin müavini vəzifəsinə təyin edilib. 

Tərcümeyi-halda göstərilməyən başqa maraqlı və vacib bir məqam: Nazim Məmmədov Dövlət Gömrük Komitəsinin keçmiş sədri Kəmaləddin Heydərovun sürücüsü olub. Yəqin ki, hər kəs üçün onun vəzifə pillələrində yüksək sürətlə irəliləyərək sədr müavini və general-leytenant rütbəsi almasının səbəbi aydınlaşdı.

Yeri gəlmişkən, Nazim Məmmədovun tərcümeyi-halı sosial şəbəkələrdə yayılandan sonra Dövlət Gömruk Komitəsinin rəsmi saytında onun üçün ayrılmış "bölmə"yə əl gəzdirilib. Belə ki, tərcümeyi-halda "1999-cu ildə Təfəkkür Universiteti"nin hüquq fakültəsini bitirmişdir" bəndi çıxarılıb. Bununla da komitə rəhbərliyi guya bəzi faktları gizlətməyə çalışıb. Amma dəyişiklikdən əvvəlki tərcümeyi-hal bizdə var. Hər iki varitantı təqdim edirik.