"Bələdiyyələr yalnız qəbirstanlıqlara nəzarət edirlər". 

Bunu Milli Məclisin deputatı İqbal Ağazadə parlamentin dunən keçirilən plenar iclasda çıxışı zamanı deyib. "Bu il bələdiyyə seçkiləri keçiriləcək. Bu seçkilərin əhəmiyyəti olduqca yüksəkdir. Çünki 1700 subyektdə 17000 üzv seçilir". 

Millət vəkili Azərbaycanda bələdiyyələrin statusu çox aşağı olmasından təəssüflənib. Hətta elementar sahələri belə bələdiyyələrin nəzarətində deyil. "Bu gün ölkədə 20-yə yaxın xidmət sahəsi var. Bunlardan yalnız beşi bələdiyyələrin funkisyasındadır. Bu beşindən dördü isə müştərək, yəni icra strukturu ilə birgədir. Bu cür bələdiyyə seçkilərin getmək absurddur". 

Deputat Milli Məclisin bələdiyyələrin statusları ilə bağlı qanuna yenidən baxmasını təklif edib. Onun sözlərinə görə, Avropa Şurasına daxil olarkən üzərimizə götürdüyümüz öhdəliklərə görə bələdiyyə başçılarının xalq tərəfindən seçilməsi təmin olunmalıdır. O. bələdiyyələrlə bağlı yeni təkliflər paketi hazırlayaraq parlamentə təqdim edəcəyini deyib.