Ucarda baş verən yanğında 3000 cücə məhv olub. 

ANS PRESS-in bölgə müxbirinin verdiyi məlumata görə, Qaracallı kəndində, 57 yaşlı Akif Abdin oğlu Hüseynova məxsus toyuq-cücə saxlamaq üçün nəzərdə tutulan tikilidə baş verən yanğında 3 min cücə məhv olub.

Hadisə yerinə Fövqəladə Hallar Nazirliyinin Ucar Yanğından Mühafizə Hissəsinin canlı qüvvəsi və texnikası cəlb olunub. Yanğınsöndürənlərə gec xəbər verildiyindən, tikilinin 150 kvadratmetr tavan hissəsi yanıb, qalan hissəsi isə yanğından mühafizə olunub.