Bu gün Bakı Dövlət Universitetində müxtəlif illərdə bu ali təhsil ocağının hüquq, geologiya, fizika, riyaziyyat, şərqşünaslıq, kimya, biologiya fakültələrini bitirmiş vyetnamlı məzunlarla görüş keçirilib. 

“Mediatv.az” xəbər verir ki, görüşdə rektor Abel Məhərrəmov deyib ki, müxtəlif vaxtlarda universiteti bitirmiş vyetnamlı məzunların təhsil aldığı dövrdən uzun müddət keçsə də, onlar bizi unutmayıb, hər zaman ürəklərində Azərbaycan sevgisi, Bakı məhəbbəti, Bakı Dövlət Universiteti hörməti yaşadıblar: “Vyetnamlı məzunlarımız Bakıda aldıqları diplomla doğma Vyetnamda çox uğurlar qazanıb, orada hörmətli şəxslərə çevrilib, çox yüksək postlara və mükafatlara layiq görülüblər”. 

General-leytenant, Vyetnam Parlamentinin üzvü, Milli Müdafiə və Təhlükəsizlik Komitəsinin sədr müavini, Azərbaycan-Vyetnam Parlametlərarası dostluq qrupunun rəhbəri, BDU-nun hüquq fakültəsinin 1978-ci il məzunu Tran Dinh Nhan öz növbəsində, BDU-da olmaqdan məmnunluqlarını ifadə edib, ölkələrarası münasibətlərin inkişafından razılıqların ifadə edib.  Görüşdə biologiya fakültəsinin dekanı, professor Akif Quliyev və hüquq fakültəsinin kafedra müdiri Firudin Səməndərov keçmiş tələbələrilə bağlı xatirələrini bölüşüblər.