Təhsli Nazirliyinin əsas “müştərisi” -Bir ildə 6 milyonluq anlaşma

Ana səhifə Bizimlə əlaqə

“Laser Beauty Klinikası“ müğənni Xatunu şikəst etdi: “Ölə bilərdim“

Binəqədidə qanunsuz obyekt yenidən tikilir? - FOTOLAR

İcra hakimiyyətinin Nurlan adlı işçisinin şok videosu

“Prosedurdan sonra mənə dedilər ki, o həkim yox, bərbərdir”

Professor səhiyyəmiz haqda OD PÜSKÜRDÜ

Məhərrəm Talıbovun oğullarının dəbdəbəli həyatı... - FOTO

Şiddətli töhmət də aldı, amma hələ də dövlətin pullarını istədiyi kimi xərcləyir

Nərimanov rayon icra hakimiyyətinin vəzifəli şəxsi obyekt inşa etdirib?

Daha bir həkim qalmaqalı: “14 min manat verdim, geyimsiz fotomu paylaşdı” - VİDEO

Araşdırma (Dünən, 13:13)
Təhsli Nazirliyinin əsas “müştərisi” -Bir ildə 6 milyonluq anlaşma

Təhsil Nazirliyi daha bir tenderə yekun vurub.

Nazirliyin tabeliyində olan Təhsil Sisteminin İnformasiyalaşdırılması İdarəsi elektron təhsil resursları xidməti alacaq.

Belə ki, sözügedən qurum bu məqsədlə “EDUMEDİA-AZƏRBAYCAN” MMC ilə anlaşıb. Tərəflər arasında 1 milyon 957 min 866 manatlıq satınalma müqaviləsi imzalanıb.

Tribunainfo.az-ın açıq mənbələr üzərindən həyata keçirdiyi araşdırma zamanı məlum olub ki, Təhsil Nazirliyi ilə adıçəkilən şirkət arasında keçən il də iki tender keçirilib. Belə ki, 27.09.2024-cü ildə keçirilmiş tenderlə nazirliyin idarəsi elektron təhsil resurslarının satınalınmasını reallaşdırıb və bunun müqabilində MMC-yə 1 milyon 958 min 591 manat ödəyib.

Yeni informasiya sistemlərinin yaradılması və mövcud informasiya sistemlərində təkmilləşdirilməsi tenderi isə 18.09.2024-cü ildə baş tutub. Təhsil Sisteminin İnformasiyalaşdırılması İdarəsi bununla əlaqədar “EDUMEDİA-AZƏRBAYCAN” MMC ilə 1 milyon 804 min 999 manata anlaşıb.

Onu da bildirək ki, Təhsil Nazirliyi ilə bu şirkət arasında tender əlaqələri təkcə, 2024-cü ilə yekunlaşmır. Məsələ 2019-cu ilə qədər uzanır. Belə ki, «Edumedia Azərbaycan» MMC-nin əsas «müştərisi» olan Təhsil Nazirliyi Nəzdində Təhsil Sisteminin İnformasiyalaşdirilmasi İdarəsi həmin il 1 milyon 541 min 821 manatlıq iki tenderi bu şirkətə verib.

2023-cü ildə isə bu iki tərəf arasında daha bir bahalı tender razılaşması əldə olunub. Açıq mənbələrdə qeyd edilir ki, Təhsil Nazirliyi Nəzdində Təhsil Sisteminin İnformasiyalaşdırılması İdarəsi “Mövcud elektron informasiya sistemlərinin təkmilləşdirilməsi, eyni zamanda yeni informasiya sistemlərinin yaradılması kimi iş və xidmətlərin satın alınması”nı reallaşdırıb. Bu zaman tenderin qalibi “Edumedia Azərbaycan” MMC ilə 2 milyon 173 min 362 manat məbləğində müqavilə imzalanıb.

Xatırladaq ki, «Edumedia» şirkəti 2011-ci ildə yaradılıb (qeydiyyat tarixi 13.01.2011), sonuncu dəfə reyestr sənədlərinə 18.05.2021-ci il tarixində dəyişiklik edilib. Şirkətin hüquqi ünvanı Bakı şəhər. Nəsimi rayonu, 20 Yanvar küçəsi ev 19B, mənzil 29 ünvanında yerləşir. Nizamnamə kapitalı cəmi 60 manatdır. Şirkətin qanuni təmsilçisi Dilarə Midhəd qızı Yusiflidir.