Ötən ay evinin qarşısında silahlı hücuma məruz qalan millət vəkili Fazil Mustafa bu gün evə buraxılıb.

Bu barədə deputat özü məlumat verib. 

O hazırda səhhətinin yaxşı olduğunu bildirib: “Səhhətim sabitdir, yaxşıyam. Müalicəmi evdə davam etdirəcəyəm”.

Qeyd edək ki, deputat Fazil Mustafa martın 28-i saat 21:51 radələrində paytaxtın Sabunçu rayonu, Zabrat qəsəbəsindəki evinin qarşısında güllələnib. “Kalaşnikov” avtomatı ilə açılan atəş nəticəsində deputat bədənin sağ çiyin qurşağını və sağ budun aşağı üçdə birini dəlib keçən güllə yarası alıb.

DİN-in Mətbuat xidməti F.Mustafaya qarşı cinayət hadisəsi ilə əlaqədar Daxili İşlər Nazirliyi, Dövlət Təhlükəsizliyi Xidməti və Baş Prokurorluğun birgə keçirdiyi əməliyyat-axtarış, əməliyyat-istintaq tədbirləri çərçivəsində 4 nəfərin müəyyən olunaraq saxlanıldığını açıqlayıb.