Cəlilabad rayonun Privolnoye bələdiyyəsinin sabiq sədri Qəmbər Məmmədovun cinayət işi üzrə ibtidai istintaq başa çatıb.

Mediatv.az teleqraf.com-a istinadla xəbər verir ki, cinayət işi baxılması üçün Cəlilabad rayon Məhkəməsinə göndərilib.

İş araşdırılması üçün hakim Vüsal Cəbrayılovun icraatına verilib.

Məhkəmənin hazırlıq iclası fevralın 16-na təyin olunub.

İttihama görə, Cəlilabad rayonu, Privolnoye kənd sakini Rzayev Əfqan Məhəmməd oğlunun yaşadığı kəndin ərazisində kənd təsərrüfatı təyinatlı torpaq sahəsinin zəbt edilməsi ilə bağlı müraciəti əsasında rayon prokurorluğunda araşdırma aparılıb.

Araşdırma zamanı Privolnoye bələdiyyəsinin sabiq sədri Məmmədov Qəmbər Nüsrət oğlunun vəzifə səlahiyyətlərindən sui-istifadə, öz qulluq səlahiyyətlərindən qulluq mənafeyinə qəsdən zidd olaraq 1 yenvar 2015-ci ildən 1 avqust 2022-ci ilədək olan müddət ərzində bələdiyyə büdcəsinə ziyan vurmaqla həmin məbləğdə pul vəsaitini israf etməsinə, işlədiyi dövr ərzində vəzifə səlahiyyətlərindən istifadə edərək rəsmi sənədləri saxtalaşdırmaqla vəzifə saxtakarlığı etməsinə əsaslı şübhələr müəyyən edilib.

İstintaq orqanı tərəfindən Qəmbər Məmmədovun barəsində Cinayət Məcəlləsinin 179.2.3 (mənimsəmə və ya israf etmə - şəxs tərəfindən öz qulluq mövqeyindən istifadə etməklə törədildikdə), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham elan edilib.шаблоны для dle 11.2