“Mühərrik həcminə görə gömrük rüsumunun aşağı salınması avtomobil parkının yenilənməsində müsbət rol oynayacaq”.

Mediatv.az xəbər verir ki, bu sözləri “2022─2026-cı illərdə sosial-iqtisadi inkişaf Strategiyası”nda Tədbirlər Planına əsasən köhnə avtomobillərin idxalı və istifadəsinin məhdudlaşdırılmasına münsasibət bildirən nəqliyyat eksperti Aslan əsədov Yenicag.az-a açıqlamasında deyib.

Ekspert bildirib ki, köhnə avtomobillərin istifadəsinə qadağa qoyulması avtomobil parkının daha tez yenilənməsinə əlverişli şərait yaradacaq:

“Köhnə avtomobillərin ölkəyə gətirilməməsi ilə bağlı məsələ uzun müddət idi ki, gündəmi zəbt etmişdi. Avtomobil parkının yenilənməsində Azərbaycan bir sıra postsovet ölkələrindən geridə qalıb. Qonşu Gürcüstanda, Mərkəzi Asiya ölkələrində bu proses çoxdan başlayıb. Həmin ölkələr Koreya və Çin istehsalı olan müasir avtomobillər idxal etməklə, avtomobil parkını yeniləməyə nail olublar. Azərbaycanın da bu imkandan yararlamaq üçün güclü potensialı var. Əgər avtomobil yaşı ilə bağlı yeni qərar qəbul olunarsa və bu limit 5 yaş həddinə salınarsa, effektiv nəticə əldə etmək olar. Bununla yanaşı, mühərrik həcminə görə gömrük rüsumunun aşağı salınması avtomobil parkının yenilənməsində ümsbət təsir malik olacaq. Çünki vətəndaşlarımızın əksəriyyəti yeni avtomobil sahibi olmaq arzusundadır.

Köhnə avtomobillərin idxalı və istifadəsinin məhdudlaşdırılması isə qiymətlərə təsirsiz ötüşməyəcək. Yeni avtomobillərin istifadəsi texniki bazanın möhkəmlənməsinə və ehtiyat hissələrinin daha asanlıqla tapılmasına şəriat yaradacaq. Yəni, köhnə avtomobil sahibi olan vətəbdaşlardan yeni avtomobil sayəsində artıq hansısa ehtiyat hissə axtararkən çətinliklə üzləşməyəcəklər”.

Qeyd edək ki, hazırda Azərbaycanda İstismar müddəti 5 ilə qədər olan minik avtomobillərinin cəmi minik avtomobillərində xüsusi çəkisi 4,7%-dir.шаблоны для dle 11.2