Prezident İlham Əliyev Məsud Əfəndiyev və Qərib Mürşüdovla bağlı sərəncam imzalayıb.  

Mediatv.az xəbər verir ki, sərəncama əsasən, elm sahəsində nailiyyətlərinə və Azərbaycan diasporunun inkişafında xidmətlərinə görə Məsud Arif oğlu Əfəndiyevə və Qərib Novruz oğlu Mürşüdova “Əməkdar elm xadimi” fəxri adı verilib.

Qeyd edək ki, 68 yaşlı Məsud Əfəndiyev riyaziyyatçı, professordur. “Humboldt” mükafatı alan ilk azərbaycanlıdır. Almaniyada yaşayır.

59 yaşlı Qərib Mürşüdov isə Böyük Britaniyanın York Universitetinin Kimya fakültəsinin Struktural Biologiya Laboratoriyasının professoru, fizika-riyaziyyat elmləri üzrə fəlsəfə doktorudur. Bundan başqa, bioinformatika sahəsində tanınmış mütəxəssis kimi Böyük Britaniyanın Kembric Universitetinə dəvət olunmuş ilk azərbaycanlı alimdir.