“Rusiya və Ukraynanı idarə etmək üçün münaqişə lazımdır” - Ekspert danışır

Ana səhifə Bizimlə əlaqə

BQXK-nin korrupsiya sxemi belə ifşa olundu - Fotolar

Tibb işçisi onlayn diplom alıb travmatoloq kimi işləyir? - Dəhşətli İDDİA/VİDEO

“Dəniz” Hospitalında estetik əməliyyat üçün qızılları girov alındı…-ŞİKAYƏT

Alı Alıyev Şəhid Milli Qəhramanın oğlunu toprağını əlində alır?-ŞİKAYƏT

AHİK-də saxtakarlıq:İdmançının uğurunu öz adlarına yazmağa çalışırlar

“VİZA DƏSTƏYİ” MMC adlı şirkət onlarla vətəndaşı işə düzəltmək adı ilə aldadıb

Növbəti qanunsuz tikinti: Binəqədi rayonunda hansı məmur tikintilərə nəzarət edir? VİDEO

"Həkimin əməliyyatından sonra qızımın qulağında çürümə oldu" (FOTO)

“İnşaat Konstruksiyaları” daha biri ili ZƏRƏRLƏ BAŞA VURDU - HESABAT

Siyasət (4-04-2022, 10:55)
“Rusiya və Ukraynanı idarə etmək üçün münaqişə lazımdır” - Ekspert danışır

“Rusiya və Ukrayna müharibəsinin təxmini nəticələri artıq bəllidir. Nə Rusiya Ukraynada bəyan etdiyi nəticələrə nail olmaq imkanındadır, nə də Ukraynanın gücü çatacaq ki, işğala son qoyub ərazi bütövlüyünü təmin etsin. Təxmini güc nisbəti bundan ibarətdir. Amma hesab edirəm ki, yaxın dövrdə Rusiya və Ukrayna arasında ilkin razılaşma əldə ediləcək”. Dia.az xəbər verir ki, bu fikirləri Reyting.az-a Azərbaycanın sabiq xarici işlər naziri Tofiq Zülfüqarov deyib.

T. Zülfüqarov əmindir ki, razılaşmanın ilkin variantı atəşkəs olacaq.

Onun sözlərinə görə, razılaşmada yeni təmas xətti, Donetski və Luqanski vilayəti və ya köhnə təmas xəttinə qayıdış formatı meydana çıxacaq: “Həmçinin gələcək status məsələsi ilə bağlı danışıqlar davam etdiriləcək. Bu, beynəlxalq formatda gələcək iştirakçılıqla bağlı olacaq. Eləcə də Krım məsələsi ya ümumi şəkildə qeyd ediləcək, ya da bundan ümumiyyətlə bəhs edilməyəcək. Təxmini razılaşmada önə çıxan məqamlar bunlar olacaq”.

T. Zülfüqarovun fikrincə, hərbi əməliyyatlar olmasa da, Kiyev və Moskva arasında qarşıdurma davam edəcək:

“Rusiyaya qarşı sanksiyalar qalacaq. Mümkündür ki, onların bir hissəsi sülhə nail olmaq məqsədilə götürülsün. Yəni Qərb bu imkanlarından istifadə edə bilər. Proqnozlar belədir.

Amma gələcək bir neçə il, bəlkə də on illiklər ərzində bu gərginlik Avropanın daxilində qalacaq. Rusiya istər-istəməz bununla məşğul olacaq. Yəni Rusiya Cənubi Qafqaz və digər regionlarda məşğul olmağa imkan tapmayacaq”.

Sabiq nazir diqqətə çatdırıb ki, artıq ruslar yeni təmas xəttinə uyğun olaraq qoşunları Kiyev ətrafından geri çəkirlər. O, ehtimal edir ki, 10-15 gündən sonra bütün bunlar ortaya çıxacaq. “Ayrı variant mümkün deyil. Həm də nəzərə almaq lazımdır ki, Rusiya və Ukraynanı idarə etmək üçün münaqişə lazımdır. Böyük ehtimalla Rusiyanın bu vəziyyətdən çıxması mümkün olmayacaq. Qərbə lazım idi ki, Rusiyanı bataqlığa salsın. Artıq bu baş verib”, - deyə T. Zülfüqarov əlavə edib.