“Cənubi Qafqazda təhlükəsizlik və stabillik bizim hamımız üçün başlıca əhəmiyyət kəsb edir. Gələcəkdə bütün insanların sülh və əmin-amanlıq içərisində yaşaması, eləcə də Azərbaycanla Ermənistan arasındakı münasibətlərin normallaşması NATO-nun mühüm məsələlərindən biridir”. 

“Mediatv.az” xəbər verir ki, bunu NATO-nun Baş katibi Yens Stoltenberq Brüsseldə Azərbaycan Prezidenti İlham Əliyevlə görüşündən sonra keçirilən mətbuat konfransında deyib.

“Cənab Prezident, NATO Baş Qərargahına gəldiyinizə görə bir daha təşəkkür edirik. Biz də gələcəkdə NATO ilə Azərbaycan arasında münasibətlərin, əməkdaşlığımızın dərinləşdirilməsində maraqlıyıq”, - deyə Stoltenberq bildirib.