Ulu öndər Heydər Əliyevin xatirəsini böyük hörmət və ehtiramla yad edirik. Ümummilli lider Heydər Əliyevin Azərbaycan xalqının, dövlətçiliyinin tarixində müstəsna və əhəmiyyətli rolu var. Belə ki, Azərbaycan dövlətçiliyinin inkişafı, dövlətimizin möhkəmlənməsi, onun təməlinin qurulması bilavasitə ulu öndərin adı ilə bağlıdır.
Mediatv.az  xəbər verir ki, bu fikirləri Azərbaycan Respublikası Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev ümummilli lideri Heydər Əliyevin vəfatının 18-ci ildönümü ilə əlaqədar İstanbulda keçirilən anım mərasimində jurnalistlərə açıqlamasında bildirib.
Ermənistanın Azərbaycana qarşı təcavüzü və işğal siyasətinə baxdıqda ilk növbədə Heydər Əliyev şəxsiyyətinin onların qarşısında duran ən böyük maneə olduğunu vurğulayan Prezidentin köməkçisi qeyd edib ki, 1980-ci illərin sonunda Heydər Əliyev SSRİ Mərkəzi Komitəsindən kənarlaşdırıldı və bundan sonra Azərbaycan xalqına qarşı mənfur siyasət başladı:
"Onların qarşısında ən böyük sipər ulu öndər amili idi. Həmin dövrdə Azərbaycana qarşı mənfur planları həyata keçirənlər, onu planlaşdıranlar hər şeyi çox gözəl hesablamışdılar. 1993-cü ildə xalqın israrlı tələbi ilə ulu öndərin yenidən hakimiyyətə qayıtması, Azərbaycan dövlətçiliyinin başına keçməsi, ölkəmizin yenidən qurulması prosesini onlar görə bilmədilər. Heydər Əliyevin qoyduğu dövlətçilik irsi bu gün də Prezident İlham Əliyevin rəhbərliyi altında da uğurla davam etdirilir. Bu gün ulu öndərin qoyduğu irs əsasında Azərbaycan dövləti hərtərəfli inkişaf edir, beynəlxalq münasibətlərin layiqli üzvüdür və ölkəmizin nüfuzu hər kəsin gözü qarşısındadır".шаблоны для dle 11.2