ABŞ-Rusiya gərginliyi azalmayacaq - GƏLİŞMƏ » Mediatv.az informasiya portalı

Ana səhifə Bizimlə əlaqə

Gəncə Dövlət Universitetinin 4 milyon manatdan çox “alış-veriş” siyahısı

Keçmiş deputat yenə meydandadır... MEYDAN SULAYIR..

İnstitutda keçirilən müəmmalı satınalmalar nələrdən xəbər verir

İlham Məmmədov eyni iş üçün sahibkardan iki dəfə pul tələb edir?

Şərurlu İsfəndiyarla bağlı hüquqi araşdırmalara START VERİLİR..

Xəstələri şikəst edən Lor Hospital… – dəhşətli özbaşınalıq

Deputat oğlunun Londondakı şirkətindən yeni xəbər -Aktivlərini artırıb

Nazirliyinin rəhbərliyində "soyuq" savaş

Taleh Bəşirov 70 illik ağacları oduncağa döndərib təndirxanalara satır

Siyasət (13-08-2021, 12:55)
ABŞ-Rusiya gərginliyi azalmayacaq - GƏLİŞMƏ

Ötən gün Rusiya Federasiyasının Müdafiə naziri Sergey Şoyqu amerikalı həmkarı Lloyd Ostinlə telefonla danışıb. ABŞ və Rusiya müdafiə nazirləri strateji sabitlik, eləcə də qlobal və regional təhlükəsizlik məsələləri barədə müzakirələr aparıblar. Məlumata görə, telefon danışığının məqsədi strateji sabitliklə bağlı dialoqun bərpası və risklərin azaldılması səylərini dəstəkləməkdir.

ABŞ və Rusiya arasında qlobal müstəvidə ciddi geosiyasi qarşıdurmanın davam etdiyinə diqqət çəkən MCP sədrinin müavini, politoloq Məhəmməd Əsədullazadə "Şərq"ə açıqlamasında deyib ki, bunu Şərqi Avropa, Belarus, Ukrayna, Qara dəniz priferiyasında, regionda görürük. Politoloqun sözlərinə görə, Mərkəzi Asiyada Əfqanıstan istiqamətində də tərəflər arasında ciddi rəqabət gedir:

"Müdafiə nazirlərinin bu görüşü ondan ibarətdir ki, onlar çalışırlar ki, böhran daha da inkişaf etməsin və qarşılıqlı əlaqələr təmin olunsun. Yəni əlaqələrini nizamlamaq üçün müəyyən bir xətt saxlayırlar. Tərəflər çalışır ki, hərbiçiləri arasında böhran davam etməsin. Təbii ki, onların Suriyada da müəyyən maraqları var və bu istiqamətdə də fikir mübadiləsi aparılır. Düşünürəm ki, bu, daha da böhranın inkişafına gətirəcək və hər iki dövlətə problem yaradacaq. Bunun böhrana gətirilməməsi üçün də məhz bu danışıqlar aparılır".

M.Əsədullazadə hesab edir ki, qlobal, regional müstəvidə tərəflər öz iddialarından geri çəkilməyəcək və böhran davam edəcək:

"Ümumiyyətlə, qlobal regional təhlükəsizlik məsələlərində, xüsusilə Belarus və Ukrayna istiqamətində ABŞ NATO çətiri altında öz hərbi qüvvələrini yığır. Təbii ki, Rusiya bunu öz qərb sərhədlərində təhlükəsizliyinə təhdid hesab edir. Rusiya da öz növbəsində Avropanın şərq istiqamətində öz hərbi qüvvələrini cəmləşdirir və böhran davam edir. Ona görə də düşünmürəm ki, qlobal təhlükəsizlik məsələsində hər iki liderin danışığı tərəflərin geri çəkilməsinə gətirib çıxaracaq. İndiki mərhələdə onlar sadəcə olaraq əməkdaşlıq və dialoq tellərini saxlayırlar".