Ordubad rayonundakı təhsil müəssisələrinin müəllimləri maaşlarını ala bilmirlər. Bu haqda “Gündəlik Naxçıvan”a bir qrup müəllim məlumat verib. Onlar deyir ki, Naxçıvandakı bütün müəllimlərin ötən aykı maaşları verilsə də, bu, Ordubad rayonunda gecikdirilir.
Onların sözlərinə görə, gecikmə maliyyə çatışmazlığı ilə əlaqələndirilir:
“Maliyyə yoxdursa, digər məktəblər necə alır? Nə fırıldaqdı, başa düşə bilmirik. Ay qurtarıb, biz hələ maaşımızı ala bilməmişik. Halbuki, digər məktəblər avqustun 25-də alıblar. Nə vaxt verəcəklərini də demirlər. Şikayət edəni də işdən çıxarmaqla hədələyirlər. ”
Müəllimlər aidiyyəti qurumlara müraciət edərək, maaşlarının verilməsini tələb edirlər.
