“Bölgədə sülh və sabitliyin qorunması Gürcüstan üçün son dərəcə vacibdir”.

“Mediatv.az” “İnterfaks”a istinadən xəbər verir ki, bunu Gürcüstanın baş naziri İrakli Qaribaşvili parlamentdə çıxışı zamanı deyib.

“Gürcüstan tərəfi bölgədə sülh və sabitlik naminə Azərbaycanla Ermənistan arasındakı vasitəçiliyi davam etdirməyə hazırdır. Biz balanslılıq və qarşılıqlı faydalılıq prinsipləri ilə siyasətimizi davam etdiririk. Bu siyasətin çox vacib bir hissəsi bu yaxınlarda ABŞ-ın dəstəyi ilə mənim Ermənistan və Azərbaycanın razılığa gəlməsindəki vasitəçiliyim oldu”, - deyə Qaribaşvili qeyd edib.