Yeni Azərbaycan Partiyası Nizami rayon təşkilatının sədr müavini, “Türk dünyası ağsaqqalları” qəzetinin baş redaktoru Ramin Əhmədov yaxın günlərdə yüksək vəzifəyə təyin ediləcək.
Bu barədə Xalqxeber.az-a daxil olan məlumatda bildirilir ki, biznesmen gənc YAP-çı hansısa rayonlardan birinə icra başçısı təyin edilməsinə çalışır. Ramin Əhmədova bu məsələdə Prezident Administrasiyasında çalışan yüksək vəzifəli şəxsin köməklik etdiyi deyilir.
Bildirək ki, Ramin Əhmədov YAP Nizami rayon təşkilatında təşkilatçılığı ilə seçilən şəxslərdən biridir. Qeyd edək ki, Ramin Əhmədov keçən il öz təşəbbüsü ilə 16 saylı Yasamal II Seçki Dairəsindən deputatlığa namizədliyini irəli sürmüşdü.Seçkiyə bir neçə gün qalmış gənc YAP-çı biznesmen namizədliyini geri götürdü.
