“Avropa İttifaqının “Şərq tərəfdaşlığı” proqramına üzv ölkələrin müxtəlif strategiyaları var”.

Mediatv.az -ın APA-nın Gürcüstan bürosuna istinadən məlumatına görə, bunu Tbilisidə keçirilən “Avropa İttifaqı və tərəfdaşları: daha güclü birlik naminə müxtəlifliyin əhatə olunması” mövzusunda beynəlxalq parlament konfransında Avronest Parlament Assambleyasının həmsədri Marian Lupu deyib. O bildirib ki, Azərbaycanın bu proqramla bağlı öz strateji baxışları var və bu, tam başadüşüləndir: “Azərbaycanın bununla bağlı prioritetlərinə hörmətlə yanaşırıq”.

Moldovalı deputat əlavə edib ki, noyabrın 24-də Brüsseldə keçirilmiş “Şərq tərəfdaşlığı” sammitində proqrama üzv müxtəlif ölkələrin müxtəlif strategiyalarına daha aydın diqqət yetirilib.