Türkiyə Prezidenti Rəcəb Tayyib Ərdoğan regionda baş verən son hadisələrlə bağlı açıqlama verib və İrana qarşı hərbi əməliyyatlardan dərin kədər və narahatlıq ifadə edib.
Mediatv.az xəbərinə görə, Prezident bildirib ki, uzun müddət fikir ayrılıqlarının dialoq və danışıqlar masası arxasında həllinə çalışıblar.
“Busəhərki hücumlar İran xalqının əmin-amanlığına yönələn ciddi bir təhdiddir və biz bunu böyük təəssüf hissi ilə qarşılayırıq. Hər hansı səbəbdən olursa-olsun, körfəzdəki qardaş ölkələrə qarşı raket və pilotsuz uçuş aparatları ilə hücumları qəbuledilməz hesab edirik”, - o vurğulayıb.
Ərdoğan diplomatiyanın üstünlük təşkil etməsinin vacibliyini dilə gətirib:
“Əgər diplomatiyaya imkan yaradılmasa, bölgəmiz alov halqasına çevrilmək riski ilə üz-üzə qalacaq”.
Prezident həmçinin İslam dünyası və bütün tərəfləri hərəkətə keçməyə çağırıb:
“Daha çox qan tökülməməsi, bölgəmizin əlavə çətinliklərlə üzləşməməsi üçün təcili tədbirlər görülməlidir. Ölkəmizin və xalqımızın təhlükəsizliyini ön planda tutaraq, bu həssas prosesi uğurla idarə edəcəyik”.шаблоны для dle 11.2