Səudiyyə Ərəbistanı Krallığının ölkəmizdəki Fövqəladə və Səlahiyyətli səfiri İssam bin Saleh əl-Cuteyli Quba rayonuna səfər edib.
23 aprel 2025-ci il tarixdə Səudiyyə Ərəbistanı Krallığının ölkəmizdəki Fövqəladə və Səlahiyyətli səfiri İssam bin Saleh əl-Cuteyli Quba rayonuna səfər etmiş, səfər çərçivəsində qonaqlarla Quba Rayon İcra Hakimiyyətində Rayon İcra Hakimiyyətinin başçısı İlqar Mahmudovla görüş keçirilmiş, görüşdə Quba Rayon İcra Hakimiyyəti başçısının birinci müavini və Quba rayon Polis Şöbəsinin rəisi iştirak etmişdir. Görüş zamanı Rayon İcra Hakimiyyətinin başçısı İlqar Mahmudov Quba rayonu haqqında geniş məlumat vermiş, həmçinin rayonun investisiya imkanları və gələcəkdə bu istiqamətdə işlərin görülməsi müzakirə olunmuşdur.
Sonra qonaqlar Quba Rayon Mərkəzi Xəstəxanası ilə tanış olmuş, burada Mərkəzi Xəstəxananın rəhbərliyi ilə görüş keçirmişlər.
 шаблоны для dle 11.2