Azərbaycan Respublikası Milli Məclisinin deputatı Elman Nəsirov 14 dekabr 2024-cü il tarixində 72 saylı Cəlilabad kənd seçki dairəsinə daxil olan Cəngan, Tahirli, Ləzran, Soltankənd və Çinar kənd sakinləri ilə görüş keçirmişdir. Görüşdə Tahirli kənd sakinləri – Əhmədov Ramiz, Şahbazov Akif, Əkbərov Elman, Məmmədov Kiçikxan,  Cəngan kənd sakinləri – Məmmədov Fərhad, Abbasova Afət, Çinar kənd sakinləri – Yusubov Həzrətqulu, Allahverdiyev Nizami, Fərəcov Sefi, Ləzran kənd sakini – Vahabov İsa və Soltankənd kənd sakini – Ağayev Qadir çıxış edərək onların sosial problemlərinin həlli istiqamətində göstərdiyi böyük diqqət və qayğıya görə ölkə Prezidenti cənab İlham Əliyevə öz təşəkkürlərini ifadə etdilər.
Seçicilər əsasən kəndlərin mavi yanacaq təminatı, əkin sahələri üçün subsidiyaların  ayrılması, tibb məntəqəsinin qurulması və digər sosial məsələlər ilə əlaqədar müraciətlər etdilər. Qaldırılan məsələlərin bir hissəsi yerindəcə öz həllini tapdı.
Deputat Elman Nəsirov həllini tapmayan məsələlər ilə bağlı aidiyyatı üzrə müvafiq qurumlara müraciət edəcəyini bildirdi.
 шаблоны для dle 11.2