15 saylı Yasamal birinci dairəsindən namizədi olan Ülvi Quliyev seçicilərlə ciddi problem yaşayır. Bu barədə  bildirilir ki, ötən çağırış bu dairədən mandat alan deputat bir dəfə də olsun sakinlərin arasına çıxmayıb, onların sosial-iqtisadi problemlərinin həlli istiqamətində heç bir addım atmayıb. Bu laqeyidlik isə cavabsız qalmayıb.Biznesmen deputatın imzatoplama kampaniyasında seçicilər nəinki ona imza verməkdən imtina edib, hətta imza toplayan şəxslər bəzi ərazilərdə sakinlər tərəfindən qovulub. Düzdür, Ülvi Quliyev inzibati resurslardan istifadə edərək 500 imzanı DSK-ya təhvil verib və namizədliyi qeydə alınıb, amma vəziyyət onu göstərir ki, təbliğat-təşviqat dövründə onun seçicilərin qarşısına çıxması böyük qalmaqal yarada bilər. Seçicilərin bildirdiyinə görə, yenidən eyni dairədən deputatlıq eşqinə düşən Ülvi Quliyevin seçiçilər arasında nüfuzu yoxdur və əksər seçicilərin isə bu adlı deputatın varlığından xəbəri belə yoxdur. Buna görə seçki dairəsinin favoritinin Ülvi Quliyev olması barədə deyilənlər boş şeydir.Cəmiyyətdə mənfi imic qazanan  Ülvi Quliyev özü də  bunu gözəl bilir. Redaksiyamıza daxil olmuş məlumata görə Ülvi Quliyev Bakı rayonlarından birinə icra başçısı getməyi düşünür.Bu gün cəmiyyətin savadlı,işinin peşəkarı,dövlət və cəmiyyət üçün üğürlü təkliflərlə çıxış edən şəxslərə daha çox ehtiyac duyulur.
 Mediatv.az 
шаблоны для dle 11.2