2017-ci ildə ümumrespublika üzrə 37618 abort icra olunub.

Mediatv.az  xəbər verir ki, bunu baş mama-ginekoloq Sevinc Məmmədova deyib.

Bildirib ki, abort etdirən yaş qrupunu daha çox 18-25 yaş arası xanımlar təşkil edir:

“Respublika üzrə abortdan sonra heç bir fəsadlaşma və ana ölümü halı qeydə alınmayıb. Həmin abortlar da sənədlərlə rəsmiləşdirilib və hər bir hamilə xanımın adına kartlar açılıb. Bu haqda məlumatlar isə rəsmi statistikamızda qeydə alınıb”. 

S.Məmmədova nadir hallarda 18 yaşına çatmayan qadınlarda abort faktının olduğunu da qeyd edib: "Bunun da sayı keçən il çox az, təqribən, 5-ə yaxın olub".