Yuxu pozası insan sağlamlığı üçün çox əhəmiyyətlidir. Yeni aparılan araşdırmalar yanlış yuxu pozalarının alzaymer və Parkinson xəstəliyinə yaxalanma riskini artırdığını üzə çıxarıb.

Mediatv.az xəbər verir ki, Alimlər yana dönərək yatmağı daha doğru hesab edirlər. Yan tərəfə yatdıqda gecə beyinə daha az toksin yığılır. Bu da beynin daha gec qocalmasına gətirib çıxarır.

Üzüüstə və ya kürəyiüstə yatmaq sağlamlıq üçün risklidir.

Mütəxəssislər bildirirlər ki, keyfiyyətli yuxu üçün ortopedik yastıqda yatmaq lazımdır. Həddən artıq şişkin və ya nazik yastıqlar onurğanı dəstəkləyə bilmir. Yastıq qulaq ilə çiyin arasındakı boşluğu doldurmalıdır.

Sağlamlığın qayğısına qalmaq o qədər də çətin deyil. Keyfiyyətli yastıq alın və yan tərəfə doğru yatın. Bu həm onurğa sistemi, həm də beyin üçün çox əhəmiyyətlidir.